दुरुपयोग

केहि समय अगाडी बिरामी पिताको उपचारको लागि सिंगापुर गएकी सुजाता कोइरालाले महँगो होटेलमा बसेर महँगो कार भाडामा लिएर राज्य कोषको दुरुपयोग गरिन भन्ने बिषयले धेरै चर्चा पायो / तेसको केहि समय अगाडी अहिलेका प्रधानमन्त्री माधव कुमार नेपालले  संयुक्त रास्त्रसंघको सभामा जादा जम्बो टोलि लगेर राज्यकोषको दुरुपयोग गरे भनेर आलोचित भए / हालै उनि डेनमार्कको कोपेन्हेगेनमा हुने जलवायु सम्बन्धि सम्मेलनमा सहभागी हुन जम्बो टोलि लिएर फेरी राज्य कोष को चरम दुरुपयोग गरिरहेका छन् / पूर्व प्रधानमन्त्री तथा आफुलाई सर्बहाराको नेता भन्ने  माओबादीका नेता प्रचण्डले आफु प्रधानमन्त्री हुदा  लाखौ पर्ने खाट किनेर राज्यको ढुकुटी सखाप पारे / तेस्तै गरि नेपालका मन्त्रि, पूर्व मन्त्रि, सचिब र अन्य कर्मचारीहरुले महंगा गाडी आफुले मात्र प्रयोग नगरी आफ्नो परिवारका सदस्य हरुले समेत प्रयोग गर्ने गरेको कोहि बाट छिपेको छैन /हुलाकको हल्काराले चिठीपत्रहरु घरघर सम्म  लाग्नको लागि उससंग केहिपनि सवारी साधन हुदैन तर तेही हुलाकको माथिल्लो तहको कर्मचारीसंग गाडी सुबिधा हुन्छ र उसले त्यो गाडी घर र कार्यालय अनि आफ्नो घरायेशी कामको लागि प्रयोग गर्छ / अनि हुलाकले कसरि छिटो छरितो सेवा दिन सक्ला र हामी जनताका चिठीपत्र समयमानै सहि ठाउमा पुग्ला ? येस्ता उधारणहरु हामी अनगिन्ति प्रस्तुत गर्न सक्छौ / विदेशमा लगेर राज्यले एकजना नेतालाई करोडौ रुपैया खर्च गर्न सक्छ तर तेही कालिकोटमा झाडापखाला लगेर सारा गाउले मर्दा पनि औसधि पुर्याउन सक्दैन / 

एस्ता उदाहरण हरु हामी संग धेरै छन् / यो बैध लुटको उदहारण हो / प्रजातन्त्र र समाजबादको नाम मा विभिन्न कानुन बनाएर गरिब जनतासंग कर लिने अनि तेस रकमलाई आफ्नो स्वार्थ र आफ्नो सुबिधाको लागि प्रयोग गर्ने / यो लुट नभएर के हो त? एउटा गरिबले मट्टीतेल किन्दा होस् वा सियो किन्दा होस् , उसले कर तिरेको हुन्छ / एदी उसलाई कर नलिने हो भने उसले त्यो पैसा बचत गर्न सक्छ र तेसबाट आफ्नो र परिवारको उपचार र बच्चाको पढाई मा खर्च गर्न सक्छ / जनतासंग कर लिने अनि तेस्लाई नेताले मनलाग्दी आफ्नो सेवा र सुबिधा मा मनलाग्दी खर्च गर्ने कस्तो प्रजातन्त्र हो यो? अनि कस्तो समाजबाद हो यो ? नेपाली इतिहासलाइ हेर्ने हो भने यो एउटा परम्परा जस्तै बनिसकेको छ / राणाकालमा राणाहरुले जनतासंग उठाएको करले आफ्नो सेवा सुबिधामा मात्र खर्च गर्थे / पंचायेती बेबस्था मा पनि यो क्रम रोकिएन / प्रजातन्त्र आयो , गणतन्त्र आयो तर यो लुट को सस्कार रोकिएन / हामी जनताले हाम्रो पैसाको दुरुपयोग रोक्न सकेनौ / राजनैतिक बेबस्था परिबर्तन भयो तर नेताहरुमा परिबर्तन आएन / यो सस्कार नरोकिने हो भने अब हामीले कर किन तिर्ने ? नतिरे हुदैन?